OBSH: Covid-19 nuk është më emergjencë globale shëndetësore

(AP Photo/Oded Balilty)

Covid-19 nuk është më një emergjencë globale shëndetësore, ka deklaruar të premten Organizata Botërore e Shëndetësisë.

Komiteti i Urgjencës dhe i Rregulloreve Ndërkombëtare të Shëndetit të OBSH-së diskutoi pandeminë të enjten në takimin e tij të 15-të për Covid-19 dhe Drejtori i Përgjithshëm i OBSH-së, Tedros Adhanom Ghebreyesus, u pajtua që Covid-19 nuk është më një emergjencë globale shëndetësore.

“Për më shumë se një vit, pandemia ka pasur një prirje rënëse”, tha Tedros në një konferencë shtypi të premten.

“Kjo prirje ka lejuar që shumica e vendeve t’i rikthehen jetës siç ishim përpara Covid-19”, tha Tedros. “Dje, komiteti i urgjencës u mblodh për herë të 15-të dhe më rekomandoi që të shpallja fundin e urgjencës së shëndetit publik. Unë e kam pranuar atë këshillë”.

Organizata e shpalli shpërthimin e koronavirusit si një emergjencë të shëndetit publik me shqetësim ndërkombëtar në janar 2020, rreth gjashtë javë përpara se ta quante atë pandemi.