OBSH: Në veri të Gazës nuk ka mbetur asnjë spital funksional

Keystone (AP Photo/Fatima Shbair)

Organizata Botërore e Shëndetësisë ka deklaruar sot se Gaza veriore nuk ka më asnjë spital funksional, duke përshkruar skena “të padurueshme” të vëzhguara nga ekipet gjatë një misioni të fundit.

Përfaqësuesi i OBSh-së, Richard Peeperkorn, ka thënë se spitali i fundit funksional në Gazën veriore ishte Spitali Al-Ahli, por karburanti, energjia, furnizimi mjekësor dhe mungesa e personelit e kanë bërë atë “minimalisht funksional”, përcjell albinfo.ch.

“Në të vërtetë nuk ka mbetur asnjë spital funksional në veri. Tani Al-Ahli pushoi së funksionuari plotësisht dhe po funksionon vetëm si bujtinë aktualisht pa ose shumë pak kujdes”, ka thënë ai, shkruan CNN.

Ndryshe, sipas tij, vetëm nëntë nga 36 spitalet në Gaza janë duke funksionuar tani, duke shtuar se të nëntë ndodhen në Gazën jugore.