Opozita: “Kujdes President, prapa jush janë ulur të korruptuarit”

Deputetët opozitar u kthyen në Kuvend, por shpalosën disa slogane në gjuhën angleze: “Kujdes, zotëri president, të korruptuarit e gënjeshtarë janë ulur prapa jush”

Presidenti i Austrisë, Heinz Fischer arriti t’i “qetësojë” përkohësisht deputetët e opozitës  në Kuvendin e Kosovës, të citë sot pas dhjetë javësh qëndruan të qetë në seancën solemne. Megjithatë, ata shpalosën disa slogane në gjuhen gjermane: “Kujdes, zotëri president, të korruptuarit janë ulur prapa jush”.

Ndërkaq presidenti i Republikës së Austrisë Heinz Fischer, gjatë fjalimit të tij para deputetëve të Kuvendit të Kosovës, tha se shteti i tij do të vazhdojë të përkrahë Kosovën, ndërsa kërkoi qetësi dhe demokraci në Kuvend.

“Ky fjalim i imi para jush nuk mund të kalojë pa thënë diçka për bashkëpunimin midis Kosovës dhe Austrisë. Austria vazhdimisht ka pas një qëndrim pozitiv karshi zhvillimeve në shtetin tuaj dhe qasja jonë gjithmonë ka qenë kryesisht pozitive karshi asaj se si duhet të pozicionohemi. Ne si anëtar i NATO-së dhe BE-së kemi punuar dhe vepruar në drejtimin që Kosova të njihet si shtet i pavarur, që ekonomia e saj të ringjallet dhe ne”, ka thënë ai.

Presidenti i Austrisë, Heinz Fischer ka apeluar të gjithë deputetët që ta respektojnë Kuvendin. “Ne kemi treguar shumë here respekt karshi demokracisë, duke krijuar një bazë të mirë ekonomike dhe sistem të qëndrueshëm ekonomik. Kjo demokraci do të funksionojë dukshëm më mirë”, ka thënë ai.

Shtetet e Bashkëpunim Evropian kanë pasur dilema se si të pozicionohen karshi Kosovës. Por sipas tij, Austria nuk e ka pasur këtë problem.