Osmani diskuton me komandantin e KFOR-it për urën e Ibrit: Suksesi arrihet bashkë me aleatë

Foto FB: Vjosa Osmani

Presidentja e Kosovës, Vjosa Osmani, ka pritur sot në takim komandantin e KFOR-it në Kosovë, Ozkan Ulutas, me të cilin kanë diskutuar për hapjen e urës së Ibrit.

Përmes një postimi në rrjetin social Facebook, Osmani ka thënë se gjatë takimit ka deklaruar se hapja e urës së Ibrit është në interes të të gjithë qytetarëve, transmeton albinfo.ch.

“Hapja e urës, si akt normalizimi e integrimi, është në interes të të gjithë qytetarëve, pa dallim etnie. Suksesi afatgjatë e i qëndrueshëm arrihet gjithnjë bashkë me aleatë”, ka thënë ajo.