Kosova

Osmani në Mal të Zi, takohet me Gjukanoviqin dhe Abazoviqin

E martë, 7 Shkurt 2023 - 11:20 albinfo.ch

Sot, presidentja e Kosovës, Vjosa Osmani, me ftesë të homologut Milo Đukanović ndodhet për vizitë zyrtare në Mal të Zi. Kështu ka bërë të ditur zyra e Presidencës në një njoftim për media, përcjell albinfo.ch.

Gjatë vizitës në shtetin fqinj, Osmani do të zhvillojë takim me Presidentin Đukanović, ku përveç konfirmimit të marrëdhënieve të shkëlqyeshme ndërshtetërore, do të diskutohet edhe për situatën aktuale politike dhe të sigurisë në rajon si dhe mundësitë e thellimit të bashkëpunimit.

Sipas njoftimit, presidentja gjatë vizitës në Mal të Zi do të takohet edhe me kryeministrin Dritan Abazoviq.

Në agjendën e Osmanit është edhe vizita në komunën e Ulqinit dhe atë të Tuzit.

“Në Ulqin, Presidentja Osmani përveç takimit me kryetarin Omer Bajraktari, do të realizojë takime të ndara me përfaqësuesit e partive shqiptare në Mal të Zi dhe një grup intelektualësh dhe miqsh të Kosovës. Kurse në Komunën e Tuzit, pas takimit me kryetarin Nik Gjeloshaj, do ta vizitojë një nga bizneset e suksesshme të kësaj komune, i cili njëherësh është edhe investimi më i madh nga Kosova”, thuhet tutje në njoftim.

 Të tjera nga Kosova

Mërgata do të votojë më 27 dhjetor në përfaqësitë diplomatike, KQZ jep udhëzime për procesin

 E-Diaspora

 Jeta në Zvicër