Osmani takon Erdoganin: Një mik i dëshmuar i Kosovës, një zë i fuqishëm për të drejtën tonë

Presidentja e Kosovës, Vjosa Osmani, ka takuar sot presidentin e Turqisë, Taip Erdogan.

Presidentja e Kosovës ka vlerësuar lartë kontributin e presidentit turk për Kosovën.

Në profilin e saj në “Facebook”, ajo ka shkruar se ai është një mik i madh i Kosovës, përcjell albinfo.ch.

“Presidenti Erdoğan është një lider që i qëndroi gjithmonë pranë Kosovës, në çdo sfidë dhe në çdo sukses. Ai është një zë i fuqishëm i miqësisë dhe vizionit të përbashkët. Një mik i dëshmuar i Kosovës, një zë i fuqishëm për të drejtën tonë dhe një shtyllë e fortë mbështetjeje në çdo etapë të shtetndërtimit tonë. Turqia është dhe do të mbetet një partner kyç për paqen, sigurinë dhe zhvillimin rajonal. Marrëdhëniet tona janë më shumë se miqësi – janë një partneritet i ndërtuar mbi besim, respekt dhe vizion të përbashkët për të ardhmen”, ka shkruar Osmani.

---