Osmani: Ushtarët tanë janë sinonim i shtetësisë, po e vulosin fatin e Kosovës

Osmani: FSK po shndërrohet në ushtri moderne

Sot, presidentja e vendit, Vjosa Osmani, kryeministri Albin Kurti, ministri i Mbrojtjes, Armend Mehaj dhe komandanti i FSK-së, gjenerallejtënant Rrahman Rama kanë marrë pjesë në përmbyllje të ushtrimit “Defender Europe 21”.

Presidentja Vjosa Osmani, tha se për të është ndjenjë e veçantë që Forca e Sigurisë së Kosovës po merr pjesë në ushtrimin ushtarak “Defender Europe 21”, raporton Ekonomia Online.

Forca e Sigurisë së Kosovës është sinonim i shtetësisë, u tha ajo të pranishmëve.

“Njëzet e dy vjet më parë, gra e burra u rreshtuan në emblemën e UÇK-së dhe dëshmuan këmbënguljen tonë për ta fituar lirinë dhe u përballën me egërsinë e një regjimi. Por, e patën guximin për të qëndruar në kauzën e lirisë. Sot, pas 22 vjetësh të veshur me idealin e sigurimit të paqes i kemi lidhur qëllimet tona me SHBA-në për ta siguruar lirinë dhe garantuar atë. Ne kemi pasur qëllim mbrojtjen e atdheut tonë”.

“Forca e Sigurisë së Kosovës është sinonim i shtetësisë tonë. Sot kur ju po e demonstroni këtë aleancë, po e vulosni edhe fatin tonë. Ndërkohë që pjesëtarë tuaj sot janë pjesë e misioneve paqeruajtës. Për shërbimin tuaj do të mbaheni mend nesër e përgjithmonë”.

 

 

 

---