Pacientin rom e anashkalojnë mjekët

Një ekip mjekësh në Qendrën Emergjente në QKUK, duke mos e marrë në konsideratë një pacientë të komunitetit rom, e kanë shëtitur 40 minuta nëpër korridoret e klinikës

Komuniteti rom vazhdon të mbetet më i diskriminuari në rajonin e Ballkanit. Këtë e ka vërtetuar sonte edhe një ekip mjekësh në Qendrën Emergjente në Prishtinë, duke mos e marrë në konsideratë një pacient të këtij komuniteti, por duke e shëtitur 40 minuta nëpër korridoret e klinikës universitare.

Djali që kishte dërguar babën e tij të sëmurë në Emergjencë fillimisht ishte i qetë, por më vonë tensionohet derisa kërkonte ndihmë por nuk e gjente.

Një ekip i agjencisë KPress ka qëndruar më shumë se 40 minuta me këtë familje, e cila fillimisht ishte në katin e dytë të ndërtesës së Emergjencës, e më pas i rekomandojnë që të zbresin pacientin në katin e parë. Por, me që kryefamiljari nuk mund të ecte, stafi mjekësor i rekomandon ta dërgoj me ashensor.

Kjo familje kishte frikë edhe nga ashensori, por stafi nuk i ndihmoi me arsyetimin se nuk është bartës i tyre. Në këtë video shihni djalin duke lutur stafin mjekësor që ta kontrollonte babanë e tij, pastaj detyrohet vet të bartë me karrocë babën deri në katin e parë, ku as aty nuk gjen ndihmën e mjekëve.

Kjo familje dërgon babën në katin e parë pas 40 minutave por as aty nuk i ofrohet stafi mjekësor. Këtu përfundon edhe incizimi, pasi sigurimi ndërhyri duke mos lejuar të vazhdojmë incizimin. Kjo dëshmon se komuniteti RAE (Rom, Ashkali dhe Egjipas0 është më i diskriminuari në rajon.