Pagat e ulëta e mungesa e punës shkaktarë për ikjet e qytetarëve

Policia e Kosovës thotë se nuk bëhet fjalë për ikje nga vendi, por dëshmitë e qytetarëve e thonë të kundërtën.

Organizatat që merren me çështjet ekonomike në Kosovë thonë se pagat shumë të ulëta kanë ndikuar shumë në ikjen e qytetarëve drejt vendeve evropiane. Ndërsa qytetarët theksojnë se përveç pagave edhe mungesa e mundësive për të rinjtë në Kosovë është arsye që qytetarët po i shtyjnë ta lëshojnë vendin në kërkim të një jete më të mirë.

Qytetarët akuzojnë krerët e vendit se kanë keq-qeverisur në vazhdimësi, duke ua humbur shpresat tërësisht.

KTV-ja ka raportuar për nisjen e qytetarëve me autobusë drejt Beogradit, për të kaluar pastaj në vendet e Bashkimit Evropian.

Policia e Kosovës tha se nuk bëhet fjalë për ikje nga vendi, por dëshmitë e qytetarëve e thonë të kundërtën.