Paketa e shpëtimit e Credit Suisse u refuzua nga Parlamenti zviceran

(KEYSTONE/Urs Flueeler)

Paketa e shpëtimit e ndërtuar me ngut, e ofruar së fundmi për bankën tashmë të dështuar Credit Suisse, ishte tema e bisedës në Parlamentin e Zvicrës, transmeton albinfo.ch.

Dhoma e Ulët e Parlamentit votoi të martën për të hedhur poshtë në mënyrë retrospektive paketën e shpëtimit të ofruar për bankën.

Votimi ishte kryesisht simbolik, pasi shteti i ka dhënë tashmë fondet për Credit Suisse. Ligjvënësit nuk janë në gjendje ta rrëzojnë atë vendim, pavarësisht këtij votimi.

Në një seancë të jashtëzakonshme të qeverisë, të thirrur për të diskutuar rënien e bankës, 102 parlamentarë votuan kundër masës, transmeton albinfo.ch.

Më herët të martën, Dhoma e Lartë e Zvicrës votoi në favor të garancive të qeverisë.