Pala kosovare, kontrolle të shtuara në pikën kufitare të Morinës

Fluksi i shtuar i turistëve që vijnë nga Kosova, kryesisht gjatë fundjavës, shkakton radhë të gjata në pikën e e kalimit kufitar të Morinës, përcjell albinfo.ch.

Radhët janë krijuar për shkak të kontrolleve të kamionëve dhe mjeteve të rënda kufitare nga pala kosovare.

Me dhjetëra kamionë pothuajse çdo ditë, e kryesisht gjatë fundjavave, hasen me problematika si në hyrje, ashtu edhe në dalje të kufirit te Kosovës, dhe kjo gjë nuk ndodh në kontrollin kufitar të Shqipërisë.

Transportuesit denoncojnë gjithashtu edhe procedurat e kalimit doganor, ku sipas tyre, nuk mungojnë as abuzimet nga kontrolluesit e palës kosovare.

Po ky nuk është i vetmi problem.

Marrëveshja për lëvizjen e lirë dhe shmangien e radhëve në kufi gjatë sezonit veror mes Kosovës dhe Shqipërisë, duket se vazhdon të ketë problematika të shumta.