Shqipëria

Papa Françesku jep 100 mijë euro për Shqipërinë

Shumë shtete janë solidarizuar me Shqipërinë pas rënies së tërmetit shkatërrues, i cili la pas dhjetëra viktima, persona të plagosur dhe dëme të shumta materiale.

E enjte, 28 Nëntor 2019 - 16:55 albinfo.ch

Ndërkohë, mësohet se Papa Françesku ka dhuruar për Shqipërinë 100 mijë euro, të cilat do të shkojnë për personat e prekur nga tërmeti.

Papa Françesku ka vendosur të dërgojë një kontribut fillestar prej 100,000 euro, përmes Dikasterit për Shërbimin e Zhvillimit Integral Njerëzor, për të ndihmuar popullatën në këtë fazë të menjëhershme emergjente.

Në këtë mënyrë, Ati i Shenjtë dëshiron të shprehë afërsinë e tij shpirtërore dhe mbështetjen e tij atërore ndaj njerëzve dhe territoreve të prekura. Shuma do të përdoret, në dioqezat e prekura nga tërmeti, në veprat e shpëtimit dhe ndihmës, në lidhje me Nunciature Apostolike në Shqipëri, shkruajnë mediat kosovare, përcjell albinfo.ch