Paralajmërohet një valë e të nxehtit

Meteo Suisse

Nga mesdita e së shtunës në veriperëndim të Zvicrës dhe mesdita e së dielës në rajonet e tjera, niveli i rrezikut të valës së të nxehtit është tre në katër në rrafshnalta.

Priten temperatura maksimale prej 32 deri në 34, lokalisht deri në 35 gradë, u paralajmërua të premten nga Zyra Federale Meteorologjike MeteoSuisse, shkruan RTS.

Edhe gjatë natës temperaturat nuk duhet të zbresin nën 17 gradë, madje as disa gradë më të larta në zonat urbane.

Sipas portalit të rreziqeve natyrore të Konfederatës, niveli tre i rrezikut është i vlefshëm deri të martën. Ekziston një rrezik i theksuar i çrregullimeve të qarkullimit të gjakut dhe shqetësimit fizik, përcjell albinfo.ch.

Rekomandohet të pini mjaftueshëm (të paktën 1.5 litra në ditë), të shmangni sforcimet fizike dhe të mbroheni nga rrezet e diellit direkte.