Parandalohet grusht shteti në Turqi

KEYSTONE

Parandalohet grusht shteti në Turqi, dhe presidenti turk, Recep Tayyip Erdogan, njoftoi se qeveria u kthye në krye të shtetit, dhe se përpjekja për grusht shtet ishte tradhti e Ushtrisë. Erdogan tha se të gjithë  përgjegjësit do të paguajnë një çmim të madh për ngjarjet e mbrëmshme.

“Një grup brenda ushtrisë ka bërë përpjekje për të kryer grusht shtet jashtë zinxhirit komandues, për të përmbysur qeverinë e zgjedhur në mënyrë demokratike”, tha presidentit Recep Tayyip Erdogan.

Kryeministri turk, Binali Yildirim kërkoi sot të mbajë një sesion të jashtëzakonshëm të parlamentit për të diskutuar krizën e krijuar nga përpjekja për grusht shtet.

Përkrahësit e grusht shtetit duke përdorur tanke dhe avionë gjatë natës kanë sulmuar ndërtesën e parlamentit dhe zyren e presidentit në Ankara. Edhe selia e inteligjencës turke është sulmuar edhe gjatë natës.

Kryeministri turk, Binali Jildirim tha se është vra gjenerali, i cili ndihmoi në organizimin e grusht shtetit  në Turqi. Ai caktoi një shef të ri ushtarak, gjeneralin Umi Dundar,  pasi ai i  mëparshmi Hulusi Akar ishte marrë peng nga komplotuesit e grusht shtetit.