Parlamenti i Cyrihut refuzon të drejtën e votimit për banorët jozviceranë

Të huajt që jetojnë në kantonin më të populluar të Zvicrës do të vazhdojnë të mos jenë në gjendje të votojnë ose të zgjidhen në nivel komunal pas një votimi nga Parlamenti i Cyrihut

Të hënën, Parlamenti i Cyrihut refuzoi ngushtë – 84 kundër, 82 për dhe dy abstenime – një propozim nga zyrtarët e qytetit për t’u dhënë të drejtën e votës lokale mbajtësve të pasaportave jozvicerane në Cyrih.

Nisma, e shtyrë nga partitë e majta të qendrës, do t’u kishte lejuar bashkive të vendosnin vetë nëse do të vendosnin të drejtën e votës për të huajt në nivel komunal.

Përkrahësit e nismës kishin theksuar përvojat pozitive të votimit në kantonet e tjera, shkruan Swissinfo, transmeton albinfo.ch.

Tetë nga 26 kantonet (Vaud, Gjenevë, Neuchâtel, Jura, Fribourg, Appenzell Outer Rhodes, Graubünden dhe Bazeli) dhe rreth 600 komuna, veçanërisht në Zvicrën perëndimore frëngjisht-folëse, ofrojnë të drejtën e votës për mbajtësit e pasaportave jozvicerane, të cilët përfaqësojnë një e katërta e popullsisë së përgjithshme prej 8.7 milionë banorësh.

Por kundërshtarët në Cyrih argumentuan se të huajt duhet të marrin të drejtën për të votuar dhe për t’u zgjedhur në të gjitha nivelet nëpërmjet procesit të natyralizimit, siç ndodh aktualisht.

Në vitin 2019, kryebashkiakja e Cyrihut, Corine Mauch, njoftoi planet për të nisur një iniciativë për t’u dhënë të huajve që jetojnë në Cyrih të drejtën për të marrë pjesë në votimet dhe zgjedhjet lokale, transmeton tutje albinfo.ch.

“Pothuajse një e treta e popullsisë së qytetit nuk ka të drejtë vote dhe mes 30-39-vjeçarëve – grupmosha më e madhe – është rreth gjysma”, tha ajo. “Në një fazë shumë aktive të jetës së tyre, këta njerëz nuk kanë fuqi vendimmarrëse”.

Në vitin 2013, një iniciativë e ngjashme për t’i dhënë votën jozviceranëve në kantonin e Cyrihut – në këtë rast, atyre që banojnë për dhjetë vjet – u refuzua nga tre të katërtat e votuesve.

---