Parlamenti i Cyrihut refuzon zbritjet e taksave për qiratë

pixabay

Disa deputetë kanë paraqitur një mocion në Parlamentin kantonal që do t’i lejojë qiramarrësit të zbresin 30 për qind të kostove të qirasë nga taksat e tyre, përcjell albinfo.ch.

Përveç primeve të sigurimit shëndetësor, kostot e qirasë janë barra më e madhe financiare për banorët e Cyrihut, pohuan deputetët. Prandaj, zbritja e taksës së qirasë do të ishte një “lëvizje e drejtë”, argumentuan ata.

Megjithatë, shumica e deputetëve theksuan se një masë e tillë do t’i kushtonte kantonit 350 milionë franga humbje tatimore, duke e refuzuar propozimin për këtë arsye.