Partitë e djathta nisin inicativën për ndërtimin e centraleve bërthamore

Presidentja e komitetit iniciativ thotë se centralet bërthamore janë thelbësore për sigurinë e furnizimit, ato mbrojnë klimën dhe mjedisin

Në kohën kur mungesa e burimeve të energjisë po bëhet gjithnjë më alarmante, edhe në Zvicër kemi ide të ndryshme për sigurimin më të lehtë të këtyre burimeve.

Në këtë kuadër, partitë e djathta të Zvicrës po nisin një iniciativë të re popullore për centralet e reja bërthamore. Nisma “Stop Blackout” bën thirrje për një furnizim të sigurt, të pavarur dhe të pastër me energji elektrike, transmeton albinfo.ch.

Mbledhja e nënshkrimeve duhet të fillojë javën e ardhshme.

Sipas asaj që parashihet në iniciativë, do të anulohet ndalimi i ndërtimit të centraleve bërthamore.

Vanessa Meury, presidente e komitetit iniciativ, ka thënë për “SonntagsZeitung” dhe “Le Matin Dimanche” se centralet bërthamore janë thelbësore për sigurinë e furnizimit. Ata, sipas saj, mbrojnë klimën dhe mjedisin.

Më tutje, autorët e nismës duan ta bëjnë Qeverinë Federale më të përgjegjshme për furnizimin me energji elektrike. Qeveria Federale gjithashtu duhet të marrë pjesë në ndërtimin e centraleve të reja në të ardhmen – duke përfshirë centralet bërthamore.

 

 

---