Pas anulimit nga ana e Putinit, as Zelensky nuk merr pjesë në bisedimet e paqes

Keystone (AP Photo/Efrem Lukatsky)

Pas takimit të tij me Presidentin turk Rexhep Tajip Erdogan, lideri ukrainas, Volodymyr Zelensky para mediave në Ankara ka shpjeguar se nuk do të merrte pjesë në bisedime të mëtejshme për një zgjidhje paqeje në Turqi.

“Nuk kam asgjë për të bërë në Stamboll”, tha Zelensky, pasi Putini nuk mori pjesë në takim, transmeton albinfo.ch.

Në vend të tij, një delegacion i udhëhequr nga Ministri i Mbrojtjes ka udhëtuar në Ankara.

Zelensky përsëriti se Rusia nuk është e interesuar për një zgjidhje serioze paqeje. Kjo demonstrohet edhe siç tha ai nga “delegacioni i rremë” që u dërgua.