Pas tetë vjetësh, Chrome ndryshon ikonën

Për herë të parë pas tetë vjetësh do të ndryshohet ikona e kërkuesit Google Chrome.

Google vendosi që këtë vit gjithçka të modernizohet, dhe gjëja e parë çfarë po bën është ndryshimi i ikonës së Google Chrome.

Logoja origjinale e Chrome u shfaq në vitin 2008 dhe ishte në formatin 2D, e në vitin 2011 e ndërroi në 3D, kurse më 2014 modernizoi ikonën për herë të fundit dhe për tetë vjet qëndroi e pandryshuar.

Google gjithashtu dëshiron që në çdo sistem operativ ikona për Chrome të duket e njëjtë – pasi që ka dallim në Windows, macOS dhe ChromeOS.

Nga sot ka filluar azhurnimi dhe ngadalë njerëzit do të kenë ikonën e re, e gjatë dy muajve të ardhshëm të gjithë përdoruesit në të gjitha platformat do të kenë pamje të re të ikonës së Chrome.

E në fund të marsit do të lansohet Chrome 100, ku do të përfshijë ridizajnimin dhe azhurnimin e këtij lloji.

Some of you might have noticed a new icon in Chrome’s Canary update today. Yes! we’re refreshing Chrome’s brand icons for the first time in 8 years. The new icons will start to appear across your devices soon. pic.twitter.com/aaaRRzFLI1

— Elvin 🌈 (@elvin_not_11) February 4, 2022