PD-ja akuzon qeverinë për koncesionin e pompave

Partia Demokratike ka akuzuar qeverinë se po dëmton pronaret e pikave të karburanteve më mënyrën e dhënies së tenderët korruptivë.

Deputetja e PD-së, Izmira Ulqinaku, ka deklaruar se nga kjo skemë e re koncesionari do të fitojë 60 milionë euro, ndërsa secilit biznes, pajisjet e reja do t’i kushtojnë 600 euro.

Ajo ka thënë se Qeveria e  Edi Ramës po i zhvatin gjithnjë e më shumë shqiptarët. Ulqinaku ka thënë se kontrolli i matjes së pompave të naftës, për shkak të kritereve të vendosura që tenderi të fitohet vetëm nga kompania e Gentian Sulës, vendos monopolin në treg.

“Qeveria e Edi Ramës ka vendosur të japë me koncesion tek klientët e tij kontrollin e kolaudimit të pompave të karburanteve. Aktualisht, ky është një shërbim shtetëror, por korrupsioni në qeveri ka vendosur që t’ia kalojë atë privatit, i cili do të vendosë cilat pompa karburantesh i vjedhin shqiptarët dhe cilat pompa nuk i vjedhin”, ka thënë ai.

---