Pedofilizmi në rritje

Në vitin 2015, Policia e Kosovës ka arrestuar 34 persona nën dyshimin për pedofilizëm. Kjo kategori ka shënuar rritje vitin e fundit

Numri i pedofilëve ka shënuar rritje në Kosovë gjatë periudhës së fundit. Policia e Kosovës njofton se brenda një viti ka marrë informacione dhe ka arrestuar, 34 persona të dyshuar për abuzim seksual më fëmijë. Këto arte më pas i dërgohen prokurorisë, e cila tregohet shumë rigoroze me ketë kategori njerëzish.

“Krahasuar me vitet e kaluara Policia e Kosovës ka bërë të ditur se abuzimi me fëmijë nga persona të rritur qe ndryshe njihet edhe si “pedofilizëm”në vitin 2015 ka shënuar 34 raste. Ndërkaq në vitin 2014 kanë qenë 30 raste, që po ashtu në krahasuar me vitin 2013 ka rritje, sepse në këtë vit kanë ndodhur gjithsejtë 27 raste”, raporton TCH.

Daut Hoxha, nga Policia e Kosovës ka shpjeguar mënyrën se si policia iu qaset këtyre rasteve që sipas Hoxhës, janë më specifike dhe duan kujdes më të shtuar për shkak të ndjeshmërisë së tyre. Ai tha se policia vepron menjëherë pas informatave, ndërsa në shumë raste bashkëpunon edhe me institucionet tjera, në mënyrë që rasti të jetë i kompletuar për rastin e drejtësisë.

Sociologu Besnik Boletini, e konsideron pedofilinë si dukuri devijante dhe shumë shqetësuese që ka trend të rritjes në Kosovë. Ai tha se në shumë raste, viktimat kanë lidhje farefisnore me abuzuesin dhe heshtën si raste. Ai iu bëri thirre qytetarëve që t’i raportojnë rastet e tilla.