Për 13 vjet, 2 mijë të vdekur në trafik

Sipas statistikave, në Kosovë në këto 13 vjetët e fundit pothuajse çdo të tretën ditë një person humb jetën në aksident trafiku

Gjatë 13 vjetëve të fundit në Kosovë kanë ndodhur më shumë se 200 mijë aksidente në trafik, të cilat kanë qenë fatale për 2 mijë persona. Po ashtu nga aksidentet e trafikut janë lënduar rreth 87 mijë kosovarë, që dëshmon se trendi i vdekeje në komunikacion ka marrë permasa tragjike.

Këto janë të dhënat zyrtare që ka Policia e Kosovës, ndërkohë që mësohet se në Kosovë aktualisht qarkullojnë 287.168 vetura, raporton “Zëri”. Sipas të njëjtave statistike. në Kosovë në këto 13 vjetët e fundit pothuajse çdo të tretën ditë një person humb jetën në aksident trafiku.

Sipas të dhënave të Policisë, nga 1732 aksidente me fatalitet në rrugët e Kosovës kanë humbur jetën 1979 persona. Vitet me numrin më të madh të të vdekurve rezultojnë të jenë 2006 me 178 të vdekur, 2009 me 176 të vdekur dhe 2010 me 175 të vdekur.

Shumica e aksidenteve në trafik përfundojnë në gjykatë, për shkak të mosmarrjes vesh ndërmjet palëve dhe kompanisë së sigurimit. Raportohet se rreth 6 mijë lëndë të aksidente bë trafik, janë të pazgjidhura në gjykatat kosovare.