Për herë të parë një grua në krye të CIA-s

Haspel kishte marrë pjesë në një program të “torturës” të CIA-s në vitin 2002 dhe për këtë kritikohet nga një sërë mediash ndërkombëtare

Gina Haspel është drejtoresha e ardhshme e CIA, njëherësh edhe gruaja e parë që mban këtë pozitë, shkruan albinfo.ch.  Haspel kishte marrë pjesë në një program të “torturës” të CIA-s në vitin 2002 dhe për këtë kritikohet nga një sërë mediash ndërkombëtare. Ajo “kishte mbikëqyrur dy persona të dyshuarve për terrorizëm ndërsa më vonë mori pjesë në një urdhër për të shkatërruar videokaseta që dokumentonin pyetjet e tyre brutale në një burg të fshehtë në Tajlandë” siç konfirmoi “New York Times” dhe “Die Zeit” në vitin 2017. Kjo ka ndodhur pak pas 11 Shtatorit.

Die Presse: 130 burra të torturuar, mes tyre edhe nga Maqedonia

“Programit të torturës i janë nënshtruar rreth 130 burra mes 2001 dhe 2009. Shumica ishin nga Lindja e Mesme, Afrika, Azia, por gjithashtu edhe nga Maqedonia, Italia dhe Seudia. Me aeroplanë sekret ata janë trafikuar në burgjet e CIA në Afganistan, Irak, Lituani, Poloni, Rumani dhe Tajlandë,” shkruan  austriakja “Die Presse”. “Atje ata janë pyetur dhe torturuar.”