Përballja klasike në “Australian Open”

Finalja e meshkujve në mes të Federer dhe Nadal zhvillohet të dielën në orën 09:30 të mëngjes sipas kohës evropiane

Keystone

Grand Slemi i “Australian Open” dhuron një finale spektakolare në mes Roger Federer dhe Rafael Nadal, shkruan albinfo.ch.

Kjo finale të kthen pas në vite, kur këta dy tenistë ishin në maje të këtij sporti dhe finalet diskutoheshin në mes tenistëve më të mirë të planetit.

Federer në gjysmëfinale kishte mundur zviceranin tjetër, Stan Wawrinka, derisa Nadal eliminoi Grigori Dimitrov.

Finalja e Melburnit do të jetë finalja e 21-të në karrierë në turnetë Grand Slem për spanjollin Nadal, nga të cilat ai ka mundur të fitojë 14. Roger Federer dhe Rafael Nadal do të luajnë mes tyre finalen e nëntë Grand Slem, me tenistin nga Majorka që ka një avantazh me gjashtë fitore kundrejt dy të rivalit të tij historik.

Finalja e meshkujve zhvillohet të dielën në orën 09:30 të mëngjes sipas kohës evropiane.