Pensionistët në Zvicër e përdorin internetin dyfish më shumë

Njerëzit e moshuar gjithnjë e më shumë janë në botën dixhitale.

Në kulmin e pandemisë së koronavirusit, shumë të moshuar u mbështetën te mesazhet WhatsApp ose Viber për të kapërcyer vetminë.

Një studim i fundit tregon se përdorimi i internetit në mesin e pensionistëve në Zvicër është pothuajse dyfishuar gjatë dekadës së kaluar dhe lejoi shumë të qëndrojnë në kontakt gjatë pandemisë.

Gjërat ndryshojnë në një fazë të mëvonshme të jetës: ndarja e vërtetë dixhitale tani fillon rreth moshës 80 vjeç. Sipas gjetjeve të studimit Digital Senior 2020, i porositur nga Pro Senectute dhe kryer nga Qendra e Gerontologjisë në Universitetin e Cyrihut, 74% e njerëzve të moshës 65 vjeç e lart përdorin internetin. Kjo përfaqëson një kërcim real nga 38% në 2009, kur u krye sondazhi i parë. Studimi gjithashtu tregon se që nga sondazhi i dytë, i mbajtur në vitin 2014, përdorimi i internetit në celular (përmes telefonave inteligjentë ose tabletëve) në këtë grupmoshë është rritur nga 31% në 68%, shkruan swissinfo.ch, përcjell albinfo.ch.