Përfundon me rezultat 1:1 ndeshja historike e Kosovës

Siç mund të shikohet nga fotografitë e agjencisë së fotografive Keystone, në Turku të Finlandës, para ndeshjes ka zotëruar një atmosferë e këndshme në mesin e tifozëve të Kosovës

Deri në fund të ndeshjes, edhe pas lojës shtesë, rezultati nuk ka arritur të ndryshohet. Pra, Finlanda-Kosova 1:1.

—–

Rezultati në ndeshjen e parë që Kombëtarja e Kosovës po e luan sonte kundër Finlandës, është 1-1. Valon Berisha ka shënuar në minutën e 60-të golin e barazimit ndërsa golin e parë Kosova e kishte marrë në fillim të pjesës së parë, në minutën e 20 përmes Arajuuri-t.

Goli i Berishës është shënuar nga pika e bardhë dhe është “nxjerrë” nga Bernard Berisha. Pra goli i Berishës nga penalltia ka hyrë tashmë në historinë e futbollit kosovar.

Edhe para se të shënonte golin e barazimit, Kosova ishte superiore ndaj Finlandës.

Ndeshja e sontme përveç rëndësisë simbolike, si ndeshja e parë zyrtare e Kosovës po zhvillohet në kuadrin e kualifikimeve për Botërorin 2018.

Siç mund të shikohet nga fotografitë e agjencisë së fotografive Keystone, në Turku të Finlandës, para ndeshjes ka zotëruar një atmosferë e këndshme në mesin e tifozëve të Kosovës.