Përfundon turneu i mërgimtarëve në St. Gallen

Të shtunën dhe të dielën në Saint Gallen të Zvicrës është zhvilluar turneu “Eny Cup” në futsall, turne që është organizuar nga skuadra shqiptare në Zvicër, KF Dardania SG, shkruan albinfo.ch.

Fitues në fund është shpallur ekipi i Kei Zit, që në finale ka mundur Besën e St. Gallen pas kryerjes së penalltive.

Organizatorët janë shprehur të kënaqur me mbarëvajtjen e këtij turneu. “Kemi ekipe anembanë Evropës. 64 skuadra kanë marrë pjesë. Më shumë se 125 lojë deri në finale”, është shprehur Ardian Ramadani, organizator.

Edhe ekipet pjesëmarrëse janë shprehur të lumtura. Hermes Lamaj u shpreh i lumtur me lojërat dhe organizimin, raporton televizioni publik i Kosovës.

Edhe gjyqtari zviceran Uli Hemfelt theksoi se gjithçka shkoi mirë dhe shpreson se ky turne do të zgjerohet dhe të ftohen edhe skuadra zvicerane.

Ky turne synon edhe të bashkojë shqiptarët dhe të zgjerohet edhe më shumë në të ardhmen.

Shumica e skuadrave në këtë turne ishin shqiptare, por kishte edhe të nacionaliteteve tjera.