Përplasen Albin Kurti dhe Kadri Veseli

Megjithatë, në këtë seancë janë ‘përplasur’ Albin Kurti dhe Kadri Veseli me akuza kundër njëri-tjetrit

Kuvendi i Kosovës i mbledhur të enjten nuk ka qartësuar se kush do të jenë udhëheqësit e rinj, pasi PAN-i, ka pranuar se nuk ia ka 61 vota.

Megjithatë, në këtë seancë janë ‘përplasur’ Albin Kurti dhe Kadri Veseli me akuza kundër njëri-tjetrit.

“Pse nuk po matesh. Nëse i ki numrat atëherë pse nuk po matesh. Nëse një kandidat tjetër propozohet nga koalicioni juaj, atëherë edhe unë do ta votoj”, është shprehur Kurti. Ai ka akuzuar Veselin për korrupsion, si dhe për vdekjen e Astrit Deharit”, ka thënë ndër të tjera Kurti.

Por, kësaj radhe ka marrë kundërpërgjigje të ashpër nga Veseli. “Ju keni sulmuar institucionet, partia juaj është e zeza e Kosovës”, theksoi Veseli. Ai shtoi se nëse opozita i ka 61 vota, atëherë le të formojnë qeverinë.

Ndërkohë, Ramush Haradinaj ka thënë pas seancës se numrat do t’i bëjnë shumë shpejt.

Edhe deputeti i LDK-së, Lumir Abdixhiku ka reaguar për atë që ndodhi në Kuvend, duke u shprehur se PAN ka provokuar, derisa Albin Kurti ka rënë në këto provokime.