Personi më i lumtur në botë, fiton lotarinë me 758 milionë dollarë

Mediat ndërkombëtare kanë bërë të ditur se në Masaçuset të SHBA-së është goditur ‘xhekpoti’ me vlerë të madhe prej 758.7 milionë dollarë

Një person një Amerikë është njeriu më i lumtur në botë. Mediat ndërkombëtare kanë bërë të ditur se në Masaçuset të SHBA-së është goditur ‘xhekpoti’ me vlerë të madhe prej 758.7 milionë dollarë, përcjell albinfo.ch.

Kjo është shuma më e madhe që është fituar ndonjëherë në Masaçuset të SHBA-së.

“Çmimi i madh i Powerball prej 758.7 milionë dollarëve u fitua nga një biletë e vetme në Masaçuset, vlera më e madhe në histori për një biletë të vetme”, shkruan në “Twitter” “Powerball USA”.

Mediat e ndryshme ndërkombëtare gjithashtu raportojnë se edhe katër bileta të tjera kishin kapur vlera mbi një milion dollarë.

Kjo duket ka qenë një xhiro me fat për ata që kanë luajtur. Ndërkohë, numrat fitues kanë qenë 6, 7, 16, 23 dhe 26.

Bileta u ble në qytetin e Chicopee, edhe pse janë dhënë verdikte të ndryshme dhe fatlumi ka në dispozicion një vit që të paraqitet.

Fituesi ende nuk është paraqitur për media, ose nuk ka dashur që t’i publikohet emri.