Petkoviq dëshiron fitore ndaj Serbisë

Vladimir Petkoviq është shprehur se do të luajnë vetëm për fitore ndaj Serbisë

Zvicra ka përfunduar stërvitjen për ditën e sotme, derisa nesër nga ora 20:00 do të ndeshet me Serbinë, në kuadër të Grupit E.

Para ndeshjes në konferencën për media është paraqitur trajneri i Zvicrës, Vladimir Petkoviq, shkruan albinfo.ch.

“Kemi luajtur një ndeshje mjaft të mirë kundër Brazilit, edhe pse nuk arritëm fitore. Duhet të luajmë më mirë kundër Serbisë. Do të bëjmë çmos për të shënuar fitore”, ka theksuar Petkoviq në konferencën për media.

Ai është shprehur se do të luajnë për fitore. “Duam të fitojmë. Ne duhet të përqendrohemi në lojën tonë, për të drejtuar më shumë kundër tyre sesa për Brazilin, gjithmonë duam të jemi më të mirët, nesër do të jetë e njëjtë dhe ne duhet të përqendrohemi në fushë”, ka thënë Petkoviq.

Ndeshja ndërmjet Zvicrës dhe Serbisë mund të jetë vendimtare për fatin e këtyre skuadrave.