Pianoja e Freddie Mercuryt shitet me çmim marramendës

Keystone

Një ankand i jashtëzakonshëm u pa mbrëmjen e së mërkurës. Magjia, muzika dhe historia u bashkuan për të troditur Sotheby’s New Bond Street, ku 140.000 fansa kaluan për të parë ekzpozitën para se të binte çekiçi për të zotëruar reliket e këngëtarit legjendar, Freddie Mercury.

Kjo ngjarje shërbeu si një homazh për karizmën e përjetshme të gjeniut muzikor, ndikimi i të cilit vazhdon të rezonojë në industrinë muzikore, raporton Euronews, përcjell Albinfo.ch.

Në ankand u shfaqën një sërë objektesh personale të Freddie Mercury, nga kostumet e skenës, deri te tekstet e shkruara me dorë si dhe fotografitë e rralla.

Vetë piano në të cilën Freddie kompozoi “Bohemian Rhapsody”, një Yamaha G2 arriti të shitej në vlerën e përafërt 2 milionë euro.

Çekiçi për dorëshkrimin me tekstin e këngës legjendare “Bohemian Rhapsody” goditi në vlerën 1.6 milionë euro dhe për dorëshkrimin e me tekstin “We are the champions” në vlerën 360 mijë euro.

Mikesha e vjetër e këngëtarit ka nxjerrë në ankand rreth 1500 artikuj, të cilët dëshmojnë një pjesë të historisë së rock end roll-it./Albinfo.ch