Pikë-kalimet kufitare Jarinjë, Merdar dhe Bërnjak sot nuk janë të bllokuara

Qendra Kombëtare e Menaxhimit Kufitar bën të ditur se nuk janë të bllokuara pikë-kalimet kufitare Jarinjë, Merdar dhe Bërnjak, përcjell albinfo.ch.

Sipas njoftimit, hyrje-daljet në këto pika kufitare zgjasin tre deri në pesë minuta, po ashtu nuk ka kolona të automjeteve.

Pasditen e djeshme, Ministria e Punëve të Brendshme ka njoftuar se janë liruar për qarkullim tri pikat kufitare me Serbinë, Jarinjë, Merdarë dhe Bërnjak.

Siç njofton MPB, tashmë rrugët janë të lira për qarkullim dhe se dalja dhe hyrja në territorin e Kosovës bëhet nga tre deri në pesë minuta.