Tematike
PISA: Zvicra, në vendin e 11-të në matematikë, e dobët në lexim
Në lëndën e matematikës, Zvicra me 515 pikë ndodhet për 26 pikë mbi mesataren e OECD-së
Nxënësit zviceranë janë “top” sa u përket rezultateve në matematikë, mbimesatarë në shkencat natyrore ndërsa të dobët në lexim. Këtë gjendje e ka konstatuar studimi i Pisa-s për vitin 2018, të cilin e ka publikuar sot OECD, thuhet në një komunikatë të autoriteteve të arsimit të Zvicrës.
Në lëndën e matematikës, Zvicra me 515 pikë ndodhet për 26 pikë mbi mesataren e OECD-së, transmeton albinfo.ch. Ndryshe, ky numër pikësh i ka siguruar Zvicrës vendin e 11-të në mesin e 79 vendeve sa kanë marrë pjesë në këtë vlerësim.
Në fushën e shkencave natyrore, nxënësit zviceranë janë vlerësuar pak mbi mesatare, duke zënë kështu vendin e 23-të. Ndërkaq, të rinjtë zviceranë që janë bërë pjesë e këtij studimi, më së keqi janë ndarë sa i përket aftësisë së leximit, ku ata u plasuan në vendin e 28-të. Kjo pozitë është rreth mesit të listës dhe të cilësisë.
Në studimin e Pisa-s për vitin 2018 kanë marrë pjesë rreth 6000 nxënës të lindur në vitin 2012.
Ndërkohë, Federata e Mësuesve të Zvicrës LCH këto rezultate i quan pjesërisht brengosëse. Dhe kjo ka të bëjë kryesisht me rezultatet jo të mira në lexim, përcjell albinfo.ch. Sipas LCH, mesatarisht vetëm një në dhjetë nxënës zviceranë, pjesëmarrës në këtë studim kanë mundur të bëjnë dallimin në mes të fakteve dhe mendimit (opinionit). Kjo gjendje, në epokën e “Fake News” është për shqetësim. Prandaj LCH kërkon më tepër kohë dhe angazhim për t`i pajisur nxënësit me njohuri rreth mediave.
Siç është shkruar tashmë, Kosova është në vendin e 76-të nga gjithsej 78 vendet pjesëmarrëse, derisa Shqipëria ndodhet në vendin e 62-të.
Vendin e parë e mban Estonia, e pasuar nga Kanada dhe Finlanda.
Të ngjashme
Të tjera nga Tematike
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
Mërgimtari humb jetën në vendin e punës, në Maltë
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën