Plazhet në Shqipëri që mund të shfrytëzohen pa pagesë

Shumë plazhe në Divjakë, Sarandë, Velipojë dhe Tushemisht buzë liqenit janë të aksesueshme dhe të pastra dhe të gjithë kanë mundësi të pushojnë.

Kryeministri i Shqipërisë, Edi Rama, ka njoftuar pushuesit se gjatë qëndrimit në Shqipëri mund të shfrytëzojnë edhe plazhet publike, të cilat janë pa pagesë, shkruan albinfo.ch.

Sipas tij, shumë plazhe në Divjakë, Sarandë, Velipojë dhe Tushemisht buzë liqenit janë të aksesueshme dhe të pastra dhe të gjithë kanë mundësi të pushojnë.

“Krahas plazheve të menaxhuara përkohësisht nga subjektet private, hapësirat publike mirëmenaxhohen nga bashkitë dhe janë në dispozicion të qytetarëve që duan të shijojnë bregdetin”, shkroi Rama.

Ndërkohë autoritetet qendrore dhe vendore kanë vijuar aksionin e koordinuar për pastrimin e plazheve, sidomos në stacionet publike dhe zonat e ndërmjetme mes stacioneve të menaxhuara nga biznesi privat.

 

---