Polakët në Zvicër janë paguar 3.50 franga për një orë pune

Një nënkontraktor polak është prekur nga niveli i ulët i pagave (dumping) në një kantier ndërtimi të kompanisë së pijeve RAMSEIER Suisse, e cila është e njohur për prodhimin e lëngut të mollës. Kompania është e ndërtuar në Sursee, për disa milionë franga, duke përfshirë një fabrikë të re prodhimi. Kjo është transmetuar nga “Radio Pilati” të enjten, me kërkesën e Unia-s, transmeton albinfo.ch.

Sipas informatave nga radioja në fjalë, që i përcjell Blick, të punësuarit në industrinë elektrike për 84 orë pune kanë marrë një rrogë prej 294 frangash, që i bie 3.50 franga për ore. Në total janë prekur dhjetë punëtorë nga niveli i ulët i pagave.

Nënkontraktori polak do të duhej të paguante me paga zvicerane, e jo me paga polake, tha sekretari Unia-s, Alex Granato. Ata kanë merituar një pagë prej 2856 frangash.

Nga „RAMSEIER“ thonë se nuk ka pasur njohuri për paga të pretenduara „dumping“. Vendi i ndërtimit ishte kontrolluar në mënyrë të përsëritur nga ana e inspektorëve kantonalë të punës.
„RAMSEIER „do t‘i sqarojë akuzat në një takim të hënën.