Policët e Gjenevës kundërshtojnë të rruhen!

Një kërkesë konkrete që kanë bërë policët ka qenë që të mos detyrohen të shkojnë të rruar në punë

Policët  e Gjenevës kanë filluar një aksion proteste kundër kushteve të këqija të punës. Përmes grevës në të cilën janë hedhur, ata duan të sinjalizojnë tek qeveria e Gjenevës për kushtet e përkeqësuara të punës, shkruan 20 Minuten.ch.

Një kërkesë konkrete që kanë bërë policët ka qenë që të mos detyrohen të shkojnë të rruar në punë dhe që të mos heqin dorë nga vathët ose piercingu.

Policët, grevën e tyre e zhvillojnë në atë mënyrë që ndalojnë ngasësit e makinave që nuk u përmbahen rregullave të komunikacionit, por nuk u shpërndajnë atyre gjoba.