Kosova

Policët kanë vdekur para se të bien në lumin Lepenc

E martë, 15 Maj 2018 - 23:28 albinfo.ch

Kryeprokurori i Ferizajt, Shukri Jashari, ka konfirmuar se kanë pranuar raportin e autopsisë, i cili ka sqaruar detajet e vdekjes së dy policëve, Malsor Dashi e Armend Trena.

“Sipas raportit del se dy policët kanë vdekur para se të bien në lumin Lepenc”, tha kryeprokurori i Ferizajt për Kallxo.com.

Sipas Shukri Jasharit, raporti i ekspertizës së komunikacionit tregon se policët janë vetaksidentuar, përcjell albinfo.ch.

Dy policët e Kosovës, Malsor Dashi e Armend Trena humbën jetën kur me veturën zyrtare ranë në ujërat e lumit Lepenc në mbrëmjen e 28 prillit.

Trupat e tyre u gjetën disa ditë më vonë në ujërat e lumit Lepenc pas kërkimeve nga ekipet e Policisë, FSK-së, Zjarrfikësve e qytetarëve vullnetarë.

 Të tjera nga Kosova

Presidentja Osmani takon Presidentin e Zvicrës në Emiratet e Bashkuara Arabe

 E-Diaspora

 Jeta në Zvicër