Polici, i shndërruar në piktor

Një oficer policor, i cili luftoi kundër terrorizmit në Turqi me vite të tëra, tha se arma e tij më e mirë për të bërë gjëra të mira tani është brusha për pikturë, e jo plumbi.

“Nëse më pyesni se si u shërbej njerëzve më së miri, them se është nëpërmes artit”, tha ish-shefi i divizionit kundër terrorizmit, Ahmet Sula, përcjell albinfo.ch.

Ai tha se gjuha universale e artit arrin në vende të paimagjinueshme. Sula shtoi se përvoja e tij si polic ishte që të jetonte anën e ftohtë, të hidhur dhe të errët të jetës dhe duke përjetuar këtë kultivoi aftësinë e tij për pikturë.

Pikturat e tij pothuajse abstrakte përmbajnë shenja edhe të artit bashkëkohor dhe Otoman dhe deri tash ishin pjesë e 21 ekspozitave, katër prej tyre jashtë Turqisë dhe 17 në vend.  Ahmet Sula aktualisht po përgatitet për ekspozitën e tij të parë në Romë, e cila do të hapet pas 4 muajsh.