Arrestohet kosovari: Kishte organizuar “turne” ilegal të pokerit

Operatori i "turneut", një kosovar 36-vjeçar dhe organizatori i dyshuar, një 38-vjeçar zviceran, u arrestuan dhe u raportuan në përputhje me rrethanat

Policia kantonale e Cyrihut, së bashku me Bordin Federal të Lojërave të fatit, kanë kryer një inspektim lokal në Regensdorf herët në mëngjesin e së shtunës (28 janar 2023) për lojëra të paligjshme të fatit, transmeton albinfo.ch një komunikatë të Policisë Kantonale.

Me këtë rast ato kanë sekuestruar disa mijëra franga para të gatshme dhe kanë arrestuar dy persona.

Për shkak të dyshimit për shkelje të ligjit federal për lojërat e fatit, Policia kantonale në Cyrih, së bashku me specialistë të Komisionit Federal të Kazinove, kanë kontrolluar një lokal në zonën industriale të Regensdorfit, lokalitet në afërsi të qytetit të Cyrihut.

18 personat e pranishëm në turneun e paligjshëm të pokerit janë kontrolluar tërësisht. Gjatë kontrollit të mëpasshëm, janë sekuestruar disa mijëra franga zvicerane në para.

Operatori i “turneut”, një kosovar 36-vjeçar dhe organizatori i dyshuar, një 38-vjeçar zviceran, u arrestuan dhe u raportuan në përputhje me rrethanat.

---