Jeta në Zvicër

Policia kontrollon 170 persona në 14 klube, arrestohen shtatë prej tyre

Nga të arrestuarit janë tri gra dhe një burrë të cilët punonin pa leje pune në lokal ose si muzikantë

14 klube, 170 persona të kontrolluar dhe shtatë arrestime: ky është bilanci i ndërhyrjes së policisë kantonale të Cyrihut në qarkun Bülach dhe Uster gjatë natës së premte, shkruan zsz.ch.

Siç bëri me dije vetë policia, në mesin e të arrestuarve janë tri gra dhe një burrë të cilët punonin pa leje pune në lokal ose si muzikantë, përcjell albinfo.ch. Po ashtu janë arrestuar edhe dy shefa të lokaleve, të cilët ishin njëherësh edhe punëdhënës.

Personi i shtatë është arrestuar për shkak se nuk kishte paguar një gjobë. Pas pagesës së saj, ai është liruar menjëherë. Të gjithë të arrestuarit janë të moshave 22 deri 49 vjeç dhe me origjinë nga Serbia, Maqedonia, Kroacia, Bosnja, Kosova dhe Zvicra.