Policia shqiptare ndihmon pushuesin nga Kosova

“Policia i jep ndihmë një shtetasi nga Kosova i cili udhëtonte së bashku me familjen e tij për pushime në Shqipëri dhe gjatë rrugës nuk është ndjerë mirë nga ana shëndetësore dhe ka kërkuar ndihmën e policisë.”, thuhet në njoftimin e Policisë

Në Shqipëri një numër i madh i turistëve nga Kosova po gjenden në pushime. Në Rrugën e Kombit janë duke patrulluar policia shqiptare dhe e ajo e Kosovës, shkruan albinfo.ch.

Ata patrullojnë së bashku duke pasur bashkëpunim të mirëfilltë, derisa kanë ndihmuar një pushues nga Kosova, i cili kishte nevojë për ndihmë.

“Policia Shqiptare dhe ajo Kosovare në ndihmë të qytetarëve në nevojë.

Policia i jep ndihmë një shtetasi nga Kosova i cili udhëtonte së bashku me familjen e tij për pushime në Shqipëri dhe gjatë rrugës nuk është ndjerë mirë nga ana shëndetësore dhe ka kërkuar ndihmën e Policisë. Policia menjëherë ka njoftuar autoambulancën duke i ardhur në ndihmë qytetarit nga Kosova”, thuhet në njoftimin e Policisë.

“Punonjësit e Policisë Shqiptare dhe Kosovare kanë shoqëruar autoambulancën si dhe automjetin me gjithë familjarët e të sëmurit për në spitalin e Lezhës”, thuhet më tutje.

“Shtetasi nga Kosova pas marrjes së ndihmës mjekësore, ka vijuar rrugën për në destinacionin ku do të kalonte pushimet së bashku me familjen e tij.

Ai ka falënderuar përzemërsisht Policinë Shqiptare dhe atë të Kosovës për ndihmën e dhënë atij dhe familjes së tij, i cili ka theksuar se ky bashkëpunim mes dy Policive është më shumë siguri për drejtuesit e automjeteve, shërbim më i kulturuar, çka rrit më shumë besimin e qytetarëve tek dy Policitë”, përfundon njoftimin.

https://web.facebook.com/1502420603377639/videos/2022202331399461/