Policia shqiptare shpëton dy turiste gjermane që kishin humbur në Valbonë

Një aventurë në Valbonën e bukur, por që mund të shndërrohej në tragjedi për dy gra gjermane, nënë dhe bijë.

Dy gjermanet, të moshës 70 dhe 43-vjeçare, kishin kaluar ditën duke eksploruar territorin nga Valbona në drejtim të Thethit, por me ardhjen e mbrëmjes kishin humbur rrugën, pa u orientuar dot, raporton A2, përcjell Albinfo.ch.

Menjëherë kanë nisur kërkimet nga shërbimet e Komisariatit të Policisë Tropojë dhe pas disa orë kërkimesh dy gjermanet u gjetën me shëndet të plotë  në vendin e quajtur “Qafa e Valbonës”.

---