Politikani dënohet për shkelje në bazë race

Schmidhauser ka bërë thirrje që myslimanëve, vetëm për shkak të përkatësisë religjioze, të mos u lejohet marrja e shtetësisë

Është dënuar me një gjobë prej 5400 frangash me kusht dhe një zhdëmtim prej 1170 frangash kryetari i partisë së djathtë SD për kantonin e Thurgaut Willy Schmidhauser. Këtë dënim e ka shqiptuar gjykata e qarkut në Steckborn të këtij kantoni. Dënimi nuk është bërë ende i plotfuqishëm.

Politikani nga Zvicra lindore në vitin 2007 në gazetën partiake «Schweizer Demokrat» kishte publikuar një tekst me titullin „Përse myslimanët nuk bën të marrin kurrë shtetësinë zvicerane». Sipas padisë, Schmidhauser në artikullin e tij ka bërë thirrje që myslimanëve, vetëm për shkak të përkatësisë religjioze, të mos u lejohet marrja e kësaj shtetësie.

Gjykata ka ardhur në përfundim se me këtë akt ai ka shkaktuar diskriminim racial. Prokurori kishte kërkuar gjobitje prej 7200 frangash dhe një zhdëmtim prej 1200 frangash.

Vetë Schmidhauser nuk kishte marrë pjesë në gjykim..