Politikanja serbe: Edhe Hashim Thaçi edhe Kadri Veseli janë intervistuar nga Gjykata Speciale

Rada Trajkoviq, politikane serbe nga Graçanica ka dhënë një deklaratë në një intervistë në N1, ku ka thënë se Presidenti Hashim Thaçi është intervistuar nga Prokuroria e Gjykatës Speciale për disa orë në zyrën e tij në Prishtinë.

Ajo ka shtuar se edhe kryekuvendari Kadri Veseli është intervistuar por ai në Slloveni.

“E di sigurt që Kadri Veseli ka qenë i ftuar. Unë nga burime ndërkombëtare e kam informacionin që ai ka dhënë dëshminë e tij në Slloveni, por këtë duan ta fshehin nga publiku. Me Thaçin, teksa zhvilloheshin hetime, intervista me të ka zgjatur disa orë në zyrën e tij në Prishtinë. Më është thënë që Thaçi ka dalë i mllefosur nga mënyra se si i janë prezantuar argumentet e prokurorisë gjatë hetimit. Edhe për të thuhet se ka ftesë dhe se ka dhënë deklaratë, por kjo po fshihet”, ka thënë Trajkoviq për N1 përcjell Albinfo.ch.