Populli di të dënojë keq*

© 2016 KEYSTONE

Habitem me disa njerëz, të cilët i etiketojnë votuesit shqiptarë si tradhtarë për shkak se paskan votuar LSDM-në. Në parim, unë jam kundër kësaj praktike të votimit, por ama duhet të kuptojmë se po këta votues i dhanë BDI-së 150 000 vota para dy vjetësh. Por, të zhgënjyer nga politikat e VMRO-së dhe BDI- së, dje ve.ndosën t’i dënojnë të dyja, e në veçanti partinë e Ahmetit.

Meqenëse BDI ka më shumë deputetë në bllokun shqiptar, përsëri e konsideroj humbësin më të madh në këto zgjedhje, ngase ua hapi shqiptarëve një derë, të cilën e kishim mbyllur në kohën e PPD-së. Kjo që ndodhi dje, le të mbetet një mësim për të gjithë ata që do të merren me politikë në të ardhmen. Mos i shani votuesit, sepse mjerimi i tyre do t’ju mallkojë. Ata u kanë dhënë shumë mundësi dhe atë jo vetëm një herë, për 15 vjet me radhë. Tani ishte radha e tyre për t’ua kthyer.

*Pikëpamjet e shprehura në këtë opinion shprehim mendimet e autorit dhe nuk reflektojnë domosdoshmërisht mendimet e redaksisë.