Futboll

Portieri i Manchester Cityt pranon ftesën e Kosovës

Arjanet Muriqi, i lindur në Cyrih, ka pranuar të luajë për Kosovën. Ai është vetëm 19-vjeçar

E hënë, 27 Gusht 2018 - 9:00 albinfo.ch

Foto: Twitter

Portieri i talentuar i klubit anglez të Manchester City, Arjanet Muriqi, ka vendosur të pranojë që të luajë për Kosovën.

Njoftimi është bërë nga Federata e Futbollit të Kosovës, e cila pas shumë muajve bisedimesh ka arritur të bindë lojtarin që të përfaqësojë Kosovën në arenën ndërkombëtare, shkruan albinfo.ch.

Arjaneti luan për Manchester Cityn dhe ka kontratë deri më 2021, kurse ishte i huazuar në NAC Breda në Holandë.

Ai është shqiptar nga Mali i Zi, i lindur në Zvicër. Ai ka luajtur për grupmoshat e Cyrihut para se t’i bashkohej Manchester Cityt.

Arjaneti është portier 19-vjeçar me lartësi 1.98 cm dhe luan për U-23 të Manchester Cityt dhe ka kontratë deri më 2021, ndërsa të shtunën ishte në bankën rezervë ndaj Wolvesit.