Presidenti i Shqipërisë apel qytetarëve, data e zgjedhjeve, 13 tetori

Presidenti i Shqipërisë, Ilir Meta ka ripërsëritur se data e zgjedhjeve lokale është 13 tetori i këtij viti.
Sipas tij, situata është e qartë dhe e padiskutueshme nga ana ligjore dhe kushtetuese, pavarësisht se kryeministri po insiston për të shkuar në votime me datën 30 qershor 2019, duke kërkuar që të kapë shtetin dhe të instalojë regjimin njëpartiak, transmeton albinfo.ch.
“Nga dje, data kushtetuese e zgjedhjeve vendore është 13 tetor 2019. Situata është e qartë dhe e padiskutueshme nga ana ligjore dhe kushtetuese. Gjithsesi, kryeministri po insiston për të shkuar në votime socialiste më 30 qershor 2019.
Ju këshilloj ta merrni atë me qetësi e mençuri dhe të mos bini pre e provokimeve, sepse ato u shërbejnë vetëm atyre që duan të legjitimojnë kapjen totale të shtetit dhe instalimin e një regjimi njëpartiak”, ka shkruar Meta në Facebook.
Ai u ka bërë thirrje qytetarëve që të mos bien pre e provokimeve.