Presidenti Meta bën thirrje për dialog

Presidenti i Shqipërisë, Ilir Meta, në një deklaratë për mediat ka thënë se vendi nuk ka pse të shkojë në konfrontim dhe se të gjithë duhet të marrin përgjegjësitë e tyre.

Presidenti u ka bërë thirrje partive politike që t’i thërrasin mendjes e të ulen e të dialogojnë për tejkalimin e krizës.

“Shqipëria nuk ka pse të shkojë në konfrontim. Të gjithë t’i marrin përgjegjësitë e tyre. Askush nuk duhet t’i delegojë përgjegjësitë e tyre, aq më tepër presidentit të Republikës”, është shprehur Meta, transmeton albinfo.ch.

Kreu i shtetit ka dhe një përgjigje për deklaratën e kryeministrit, i cili në një konferencë për media të pak ditëve më parë u shpreh se nuk ishte thirrur nga kreu i shtetit për zgjidhjen e krizës politike.

“Askush nuk mund t’i transferojë përgjegjësitë te të tjerët, aq më tepër te presidenti i Republikës. Ata e dinë shumë mirë se çfarë duhet të bëjnë dhe duhet të jenë të ndërgjegjshëm për pasojat”, ka thënë Meta.