Presidentja e Kosovës: Aleatët, të rëndësishëm sot, sikur në kohën kur Kosova përmbushi ëndrrën për liri e shtet

Presidentja e Kosovës, Vjosa Osmani, në Ditën e pavarësisë ka thënë se aleatët e Kosovës janë të rëndësishëm sot sikur në kohën kur Kosova përmbushi ëndrrën për liri e shtet.

Osmani në pritjen e organizuar për 16-vjetorin e Pavarësisë, ka thënë se suksesi i Kosovës është edhe sukses i aleatëve të saj, transmeton albinfo.ch.

“Ne jemi krenarë që në këtë rrugëtim tonin për shtet të pavarur patëm mbështetjen e vazhdueshme të aleatëve tanë ndërkombëtarë, veçanërisht të SHBA-së dhe shteteve të Evropës. Si në ditët tona më të errëta, ata qëndruan pranë nesh në rrugëtimin me sfida plot të shtetndërtimit. Po aq sa ishin aleatët të rëndësishëm kur ne përmbushëm ëndrrën për liri e shtet, po kaq të rëndësishëm janë edhe sot, derisa angazhohemi e punojmë për ta mbrojtur lirinë, shtetin e të ardhmen tonë. Në këto kohë sfiduese për Evropën dhe botën, vetëm bashkë mund t’u dalim në ballë të gjitha sfidave”, ka thënë ajo.