Presidentja e Kosovës dhe shefi i NATO-s takohen në shtator

Presidentja e Kosovës, Vjosa Osmani, do të takohet më 7 shtator me shefin e NATO-s, Jens Stoltenberg, në Bruksel.

Përderisa është bërë e ditur agjenda, nuk dihen arsyet e takimit.

Është thënë se Stoltenberg e Osmani do të mbajnë konferencë për media më 7 shtator, në orën 14:30.

“Të enjten, më 7 shtator 2023, sekretari i përgjithshëm i NATO-s, Jens Stoltenberg, do ta presë znj. Vjosa Osmani-Sadriu. Sekretari i përgjithshëm dhe znj. Osmani do të mbajnë konferencë të përbashkët për media në seli të NATO-s pas takimit të tyre”, është thënë në njoftimin e NATO-s, përcjell albinfo.ch.